អត្ថបទបន្ថែម
សម្លតៅហ៊ូសាច់មាន់ និងស្ពៃបូកគោគឺជាអាហារសុខភាពហើយមានរសជាតិឆ្ងាញ់ ព្រមទាំងងាយស្រួលក្នុងការចម្អិន។
តៅហ៊ូត្រូវបានគេធ្វើឡើងពីសណ្តែកសៀងហើយវាមានប្រភពដើមពីប្រទេសចិន នៅក្នុងតៅហ៊ូសំបូរដោយជាតិប្រូតាអិន ជាតិដែក កាល់ស្យូមនិងវិតាមីនបេដែលមានសារសំខាន់ណាស់សម្រាប់ទ្រទ្រង់រាងកាយមនុស្ស។ ការសិក្សារាប់មិនអស់បានបង្ហាញថា ការបង្កើនការទទួលទានអាហារដែលធ្វើឡើងពីរុក្ខជាតិដូចជាតៅហ៊ូ អាចបន្ថយហានិភ័យនៃភាពធាត់ និងការស្លាប់ជារួមជំងឺទឹកនោមផ្អែម និងជំងឺបេះដូង ។ វាក៏ជំរុញឲ្យយើងមានសុខភាពល្អ និងពង្រឹងសុខភាពសក់ បង្កើនថាមពល និងបញ្ចុះទម្ងន់ ។
គ្រឿងផ្សំអាហារខ្មែរ ៖ សម្លតៅហ៊ូសាច់មាន់
- ទឹកចំនួន៥កែវ
- សាច់មាន់កាត់ជាដុំចំនួន១ចំហៀង
- តៅហ៊ូកាត់ជាដុំតូចៗចំនួន២ដុំ
- ស្ពៃបូកគោកាត់ជាដុំៗចំនួន 0.5 kg
- ទឹកត្រីចំនួន២ស្លាបព្រា
- អំបិលចំនួន១ស្លាបព្រាកាហ្វេ
- ស្ករចំនួន១ស្លាបព្រា
- ម្រេចចំនួន១ស្លាបព្រាកាហ្វេ
- ស្លឹកខ្ទឹមហាន់ចំនួន១កូនចានតូច
របៀបធ្វើ
- ដាក់ទឹកចូក្នុងសម្លហើយដាំរហូតដល់ទឹកពុះ
- ដាក់សាច់មាន់រួចស្លោរហូតដល់សាច់មាន់ឆ្អិនល្អ
- ដាក់តៅហ៊ូនិងស្ពៅក្តោបចូល
- ថែមគ្រឿងដោយដាក់ទឹកត្រី អំបិល ស្ករនិងម្រេច
- ដាក់ស្លឺកខ្ទឹមជាការស្រេច
កត់សម្គាល់
ជាទូទៅគេបរិភោគសមលមួយមុខនេះជាមួយបាយក្តៅៗ វាជាមុខម្ហូបដែលអ្នកនៅជនបទចូលចិត្តចម្អិនបរិភោគប្រចាំថ្ងៃ។
ម្ហូបខ្មែរពេញនិយមបន្ទាប់៖ សម្លត្រយូងចេកសាច់មាន់ – ម្ហូបខ្មែរ
