សម្លសាច់មាន់ស្លឹកម្រះ – ម្ហូបខ្មែរ

អត្ថបទបន្ថែម

ខសាច់គោជាមួយឆៃថាវ – ម្ហូបខ្មែរ

ខ្ទិះដូង – ម្ហូបខ្មែរ

ស៊ុបពោះត្រីជាមួយសាច់ក្តាម – ម្ហូបខ្មែរ

សម្លសាច់មាន់ស្លឹកម្រះ គឺជាមុខ ម្ហូបខ្មែរ មួយមុខដែលប្លែកដែលប្រជាជនភាគច្រើនមិនសូវស្គាល់ទេ ភាគច្រើនម្ហូបមួយមុខនេះត្រូវបានគេនិយមចម្អិននៅតែទីជនបទតែប៉ុណ្ណោះ វាមានរសជាតិល្វីងបន្តិចប៉ុន្តែវមានរសជាតិឆ្ងាញ់ម្យ៉ាងហើយវាងាយស្រួលចម្អិនទៀត។

គ្រឿងផ្សំអាហារខ្មែរ ៖ សម្លសាច់មាន់ស្លឹកម្រះ

1. ទឹកចំនួន៤កែវ
2. សាច់មាន់កាត់ជាដុំចំនួន 0.5 kg
3. ដើមម្រះកាត់ប្រវែងប្រហែល១ចំអាមចំនួន 0.5 kg
4. ទឹកត្រីចំនួន២ស្លាបព្រា
5. ស្ករចំនួន១ស្លាបព្រា
6. អំបិលចំនួន១ស្លាបព្រាកាហ្វេ
7. ម្រេចចំនួន១ស្លាបព្រាកាហ្វេ
8. ស្លឹកខ្ទឹមហានចំនួន១កូនចានតូច

របៀបធ្វើ

1. ចាក់ទឹកចូលឆ្នាំងសម្លហើយដាំរហូតដល់ទឹកពុះ
2. ដាក់សាច់មាន់ចូលក្នុងទឹកដែលកំពុងពុះរួចស្ងោរហូតដល់សាច់ឆ្អិនល្អ
3. ដាក់ដើមនិងស្លឹកម្រះចូល
4. ថែមគ្រឿងដោយដាក់ទឹកត្រី ស្ករ អំបិលនិងម្រេចរួចកូរឱ្យស៊ប់
5. ដាក់ស្លឹកខ្ទឹមជាការស្រេច

កត់សម្គាល់

ជាទូទៅគេបរិភោគសម្លមួយមុខនេះជាមួយបាយក្តៅៗ វាជាមុខម្ហូបដែលអ្នកនៅជនបទចូលចិត្តចម្អិនបរិភោគប្រចាំថ្ងៃ។

ម្ហូបខ្មែរពេញនិយមបន្ទាប់៖ សម្លម្ជូរសាច់មាន់មើមឈូក – ម្ហូបខ្មែរ