រមណីយដ្ឋានតាតៃ – តំបន់ធម្មជាតិ ៖ រមណីយដ្ឋានទឹកជ្រោះតាតៃ ស្ថិតនៅក្នុងភូមិអន្លង់វ៉ាក់ ឃុំតាតៃក្រោម ស្រុកកោះកុង ខេត្តកោះកុង និងមានចម្ងាយប្រមាណ ២០ គីឡូម៉ែត្រ ពីក្រុងខេមរភូមិន្ទ។ រមណីយដ្ឋាននេះ ជាតំបន់អេកូទេសចរណ៍មួយ ដែលទាំងភ្ញៀវជាតិ និងភ្ញៀវអន្តរជាតិ មិនអាចនឹងមើលរំលងនៅពេលមកកំសាន្តក្នុងខេត្តកោះកុង។ ទេសភាពព្រៃប្រឹក្សាដ៏ខៀវស្រងាត់ បានឆក់នូវភាពស្មុគស្មាញ និងរំសាយអារម្មណ៍ជាមួយនឹងខ្យល់អាកាសបរិសុទ្ធលាយឡំនឹងទិដ្ឋភាពនៃទឹកហូរកាត់តាមផ្ទាំងថ្មធំៗ។ ឋានសួគ៌ធម្មជាតិតាតៃស័ក្តសមសម្រាប់ អ្នកចូលចិត្តភាពស្ងប់ស្ងាត់ព្រមទាំងស្រលាញ់ធម្មជាតិ ជាពិសេសអ្នកដែលមានអារម្មណ៍ស្មុគស្មាញ ពេលទៅ ឃើញទិដ្ឋភាពនៅទីនោះ ប្រាកដជាធ្វើឱ្យរសាយបាត់អស់ទុក្ខកង្វល់ជាមួយខ្យល់អាកាសដ៏បរិសុទ្ធ នៃ រមណីយដ្ឋានធម្មជាតិតាតៃជាក់ជាមិនខាន។ តាតៃមានចម្ងាយប្រមាណ២០គីឡូម៉ែត្រពីទីរួមកោះកុង តាមបណ្តោយផ្លូវជាតិលេខ៤៨ ក្នុងភូមិតាតៃ ឃុំតាតៃ ស្រុកស្មាច់មានជ័យ ហើយភ្ញៀវទេសចរត្រូវធ្វើដំណើរ បន្ត ដោយទូកប្រមាណជា២០នាទីទៀតទើបទៅដល់។ ស្ទឹងតាតៃ ដែលមានទឹកថ្លាដូចជាកញ្ចក់ និងមានព្រៃឈើដុះអមសងខាងពណ៌ខៀវខ្ចី នៅគ្រប់រដូវកាល ហើយមានភាពស្ងាត់ជ្រងំកាលពីពេលមុននោះ ឥឡូវនេះ កំពុងក្លាយទៅជាឋានសួគ៌សម្រាប់អ្នក ដែលស្រឡាញ់ធម្មជាតិក្នុងការទៅគយគន់ពេចពិលរមិលមើល និងស្រូបយកខ្យល់អាកាសនៅទីនោះ។ចាប់តាំងពីមានការសាងសង់ផ្ទះបណ្តែតទឹកសម្រាប់ឱ្យអ្នកទៅលេងកម្សាន្តស្នាក់នៅលើដងស្ទឹងនេះកាលពីឆ្នាំ ២០០៩មក ស្ទឹងតាតៃបានក្លាយទៅជាកន្លែង ដែលមានភាពអ៊ូអរ និងជាតំបន់ទេសចរណ៍យ៉ាងប្រណីតមួយ …
អានបន្ត »រមណីយដ្ឋានតាតៃ – តំបន់ធម្មជាតិ
