អត្ថបទបន្ថែម
ខត្រីជាមួយបន្លែ មានរសជាតិហិលជាមួយ ពោតបារាំង សណ្តែកកួរ សាច់ជ្រូកបីជាន់ ការ៉ុតនិងប៉េងប៉ោះគឺជា អាហារខ្មែរ ដ៏ពេញនិយមមួយមុខរបស់ ជនជាតិខ្មែរ ដែលរស់នៅក្នុងប្រទេសកម្ពុជា។ ជាទូទៅប្រជាជនខ្មែរនិយមធ្វើម្ហូបខត្រីជាមួយ ត្រីអណ្តែង ត្រីផ្ទក់ ឬក៏ត្រីដែលមិនសូវមានឆ្អឹង។
គ្រឿងផ្សំអាហារខ្មែរ ៖ ខត្រីជាមួយបន្លែ
- ប្រេងឆាចំនួន២ស្លាបព្រា
- ខ្ទឹមសចិញ្ចាំរួមចំនួន២ក្លែប
- ខ្លឹមបារាំងហាន់រួច១មើម
- ប៉េងប៉ោះហាន់ជាបន្ទះចំនួន១
- សណ្តែកកួរហាន់ជាកង់ចំនួន១ខាំកន្លះ
- ឆៃថាវចិតសំបករួចនិងនិងហាន់ជាដំុចំនួន១
- ការ៉ុតចិតសំបកចេញនិងហាន់ជាដុំចំនួន១
- ស្លឹកក្រូចសើចចំនួន២សន្លឹក
- ទឹក៤កែវ
- បន្ទះត្រីអណ្តែងចំនួន៥ខាំ
- ម្ទេសចិញ្ចាំចំនួន៣ឬដាក់តាមតំរូវការ
- ពោតបារាំងចំនួន២ខាំកន្លះ
- ទឹកត្រីចំនួន២ស្លាបព្រា
- អំបិលចំនួនកន្លះស្លាបព្រា
- ស្ករចំនួន១ស្លាបព្រា
- ម្រេចចំនួនកន្លះស្លាបព្រាតូច
របៀបធ្វើ
- កំដៅឆ្នាំងឲ្យក្តៅ
- នៅពេលឆ្នាំងក្តៅហើយ ដាក់ប្រេងឆា ស្លឹកខ្ទឹម ខ្ទឹមបារាំងនិងប៉េងប៉ោះឆាឲ្យឆ្អិនល្មម
- បន្ទាប់មកដាក់សណ្តែកកួរ សាច់ជ្រូកបីជាន់ ការ៉ុត និងស្លឹកក្រូចសើចឆាត្រលប់វាឲ្យស៊ប់ល្អ
- ចាក់ទឹក ដាក់ត្រី ម្ទេសនិងពោតបារាំងហើយចំហុយរហូតត្រីឆ្អិនផុយល្អ
- ថែមរសជាតិដោយដាក់ទឹកត្រី អំបិល ស្ករនិងម្រេច
កត់សម្គាល់
ម្ហូបខជាទូលទៅគេនិយមបរិភោគមួយនំប៉័ងនិងជាមួយបាយ។ សម្រាប់អ្នកចូលចិត្តហិរអាចថែមម្រេចបាន ហើយសម្រាប់អ្នកចូលចិត្តផ្អែមអាចដាក់ស្ករសថែម ទៅតាមចំណង់ចំណូលចិត្ត។
ម្ហូបខ្មែរដែលពេញនិយម៖ ខសាច់មាន់ជាមួយដំឡូង – ម្ហូបខ្មែរ
