ខការីកន្ទុយគោ – ម្ហូបខ្មែរ

អត្ថបទបន្ថែម

ខសាច់គោជាមួយឆៃថាវ – ម្ហូបខ្មែរ

ខ្ទិះដូង – ម្ហូបខ្មែរ

ស៊ុបពោះត្រីជាមួយសាច់ក្តាម – ម្ហូបខ្មែរ

ខការីកន្ទុយគោ ជាមួយជីគឺជាម្ហូបខ្មែរមួយមុខដ៏មានរសជាតិឆ្ងាញ់របស់ជនជាតិខ្មែរ តាមជំនឿចាស់ៗការដាក់ល្ហុងខ្ចីចូលក្នុងមុខម្ហូបគឺធ្វើឱ្យសាច់ឆាប់ផុយដើម្បីកាត់បន្ថយពេលវេលាក្នុងការចម្អិនកន្ទុយគោព្រោះវាត្រូវការរយៈយូរដើម្បីធ្វើឱ្យកន្ទុយគោផុយ។

គ្រឿងផ្សំអាហារខ្មែរ ៖ ខការីកន្ទុយគោ

1. កន្ទុយគោចំនួន 0.5 kg
2. ល្ហុងខ្ចីចិតសំបកចេញនិងកាត់ជាដុំចំនួន១ចំហៀង
3. ទឹកចំនួន៦កែវ
4. ប្រេងឆាចំនួន២ស្លាបព្រា
5. ខ្ទឹមសហាន់ចំនួន៤ក្លែប
6. ខ្ទឹមបារាំងហាន់ជាបន្ទះស្តើងចំនួន១
7. ប៉េងប៉ោះហាន់ជាដុំចំនួន៣ផ្លែ
8. សាច់គោហាន់ជាដុំចំនួន 0.5 kg
9. ទឹកត្រីចំនយន១ស្លាបព្រា
10. ទឹកស៊ីអីវចំនួន១ស្លាបព្រា
11. ស្ករចំនួន១ស្លាបព្រាកាហ្វេ
12. ម្សៅការីចំនួន១ស្លាបព្រាកាហ្វេ​
13. ម្រេចចំនួន១ស្លាបព្រាកាហ្វេ
14. ជីហាន់រួចចំនួន១កូនចានតូច

របៀបធ្វើ

1. ដាក់កន្ទុយគោ ហ្ហុងខ្ចីនិងទឹកចូលក្នុងឆ្នាំងសម្លហើយស្ងោប្រហែល១ម៉ោងកន្លះឬស្ងោរហូតដល់កន្ទុយគោឆ្អិនល្អ។ ខណៈពេលដែលកំពុងស្ងោកន្ទុយគោយកខ្ទះមកកំដៅឱ្យក្តៅ
2. ពេលខ្ទះក្តៅហើយ ដាក់ខ្ទឹមស ខ្ទឹមបារាំង ប៉េងប៉ោះ សាច់គោរួចគោឱ្យល្អ
3. ថែមគ្រឿងដោយដាក់ទឹកត្រី ទឹកស៊ីអីវ ស្ករនិងម្សៅការីរួចកូរឱ្យស៊ប់ល្អហើយស្ងោប្រហែលបួនប្រាំននាទីបន្ទាប់មកដាក់កន្ទុយគោហើយបន្តស្ងោរហូតដល់សាច់ឆ្អិនល្អ
4. ដាក់ជីនិងម្រេចជាការស្រេច

កត់សម្គាល់

ជាទូទៅគេបរិភោគខលការីកន្ទុយគោជាមួយគុយទាវនិងនំប៉័ងឬក៏ជាមួយបាយក៏បាន ពេលបរិភោគជាមួយគុយទាវគេតែងតែដាក់សណ្តែកបណ្តុះនិងជីអង្កាមចូលក្នុងចានគោមរួចដាក់សរសៃគុយទាវជាមួយសម្លសារី ។

ម្ហូបខ្មែរពេញនិយមបន្ទាប់៖ ស៊ុបពោះត្រីជាមួយសាច់ក្តាម – ម្ហូបខ្មែរ