រមណីយដ្ឋានពុទ្ធគីរី – តំបន់ធម្មជាតិ ៖ ព្រះរាជាណាចក្រកម្ពុជា ជាប្រទេសដែលសម្បូរដោយរមណីយដ្ឋានទេសចរណ៍ជាច្រើនកន្លែងមិនថាទីតាំងនៅរាជធានីភ្នំពេញ ខេត្តក្រុងនានា គឺមានកន្លែងសម្រាប់ដំណើរកម្សាន្តក្នុងថ្ងៃឈប់សម្រាក ឬថ្ងៃចុងសប្តាហ៍បានយ៉ាងរីករាយ ពិសេសតំបន់ទេសចរណ៍ខ្លះលោកអ្នកមិនបាច់ចំណាយពេលយូរក្នុងការធ្វើដំណើរនោះទេ។ ចម្ងាយត្រឹមតែ១១០គីឡូម៉ែត្រពីរាជធានីភ្នំពេញ ស្ថិតនៅភូមិត្រពាំងស្ការ ឃុំត្រពាំងក្រញូង ស្រុកត្រាំកក់ ខេត្តតាកែវ លោកអ្នកនឹងបានប្លែកភ្នែកជាមួយអារម្មណ៍ជ្រះថ្លាក្នុងទីតាំងរមណីដ្ឋានវប្បធម៌ ដែលកំពុងតែពេញនិយមសម្រាប់ភ្ញៀវទេសេចរនោះគឺ ពុទ្ធគីរីកម្ពុជា។ ដោយសារតែមានការកសាងព្រះពុទ្ធបដិមា រហូតដល់ទៅដល់ចំនួន ៨៤ ០០០ អង្គនោះ បានធ្វើឱ្យ ពុទ្ធគីរីកម្ពុជា ក្លាយទៅជាមណីយដ្ឋានទេសចរវប្បធ៌មដ៏ថ្មីសន្លាង និងជាទីពេញនិយមថ្មីមួយទៀតនៅលើទឹកដីខេត្តតាកែវ។ ពិសេសនៅអំឡុងបុណ្យចូលឆ្នាំខ្មែរប្រពៃណីជាតិ ដែលកន្លងផុតទៅថ្មីៗនេះ ពុទ្ធគីរីកម្ពុជា បានទទួលការគាំទ្រយ៉ាងច្រើនពីសំណាក់ភ្ញៀវទេសចរក្នុងស្រុក និងក្រៅស្រុក ដែលពួកគេបានចំណាយពេលទៅទស្សនាទីនោះយ៉ាងច្រើនកុះករ ហើយបច្ចុប្បន្នក៏មានអ្នកទេសចរជាហូរហែបានលៃលកធ្វើដំណើរដោយខ្លួនឯង ឬតាមក្រុមហ៊ុនទេសចរផ្សេងៗដែលរៀបដំណើរកម្សាន្តទៅទីនោះផងដែរ។ ភ្ញៀវទេសចរណ៍ជាតិ និងអន្តរជាតិចាប់អារម្មណ៍ ពុទ្ធគីរីកម្ពុជា នេះយ៉ាងខ្លាំងក៏ព្រោះតែមានការកសាងព្រះពុទ្ធបដិមាយ៉ាងច្រើនរហូតដល់ទៅ ៨៤ ០០០ អង្គ ដោយមានព្រះអង្គធំមួយអង្គចំកណ្តាលភ្នំ បានធ្វើឱ្យអ្នកទស្សនាប្លែកភ្នែក ជាមួយព្រះពុទ្ធបដិមាពីកំពូលភ្នំចុះមកក្រោមដ៏ស្រស់ស្អាតក្រៃលែង។ ហើយបច្ចុប្បន្ននេះ ពុទ្ធគីរីកម្ពុជា បានក៏សាងព្រះពុទ្ធបដិមាចំនួន ២០ ០០០ …
អានបន្ត »រមណីយដ្ឋានពុទ្ធគីរី – តំបន់ធម្មជាតិ
