Tuesday , March 26 2024

ឡានល្អ – កំណាព្យខ្មែរ

ឡានល្អ – កំណាព្យខ្មែរ ៖ បទពាក្យ៧ ឬ បទមេ៧ ។ ចាប់ពីបទពាក្យ៧ ដល់បទពាក្យ១១ (កើតក្នុងសម័យចតុមុខ) កំណាព្យខ្មែរបានឈានដល់ដំណាក់កាលមួយថ្មីទៀត កវីបានបង្កើតក្បួនតែងកាព្យងាយៗ (ចំណាប់ចួន និងបរិយាកាស)។ បទនេះអាចប្រើបានគ្រប់បរិយាកាសទាំងអស់។

រង្វាស់កាព្យ (កាព្យមាត្រ) ៖ ១វគ្គ (ល្បះ) មាន៤ឃ្លា ឃ្លានីមួយៗ មាន៧ព្យាង្គ។ ព្យាង្គទី៧នៃឃ្លាទី១ ចួននឹង ព្យាង្គទី២ ឬទី៤ នៃឃ្លាទី២។ ព្យាង្គទី៧ នៃឃ្លាទី២ ចួននឹងព្យាង្គទី៧ នៃឃ្លាទី៣ ចួននឹងព្យាង្គទី២ ឬទី៤ នៃឃ្លាទី៤។ (ចួននឹងព្យាង្គទី២ឬទី៤នៃឃ្លាទី៤ បើចួនព្យាង្គណាត្រូវគោរពពីដើមរហូតដល់ចប់)។ ចួនឆ្លងវគ្គ (រូបសម្ផស្សក្រៅ) ៖ ព្យាង្គទី៧ នៃឃ្លាទី៤ ក្នុងវគ្គទី១ (វគ្គមុន) ចួននឹង ព្យាង្កទី៧ នៃឃ្លាទី២ ក្នុងវគ្គទី២ (វគ្គបន្ទាប់)។

ឡានល្អ – កំណាព្យខ្មែរ

ឡានល្អ – កំណាព្យខ្មែរ

ឡានចាស់នៅល្អរូបប្រណីតប្រដូចរូបពិតអ្នកមេម៉ាយ
ល្អគាប់ល្អគន់សព្វរាងកាយល្អក្រអូបសាយតម្លៃខ្ពស់ ។
ឡានថ្មីហួសឆ្នាំលក់មិនចេញដ្បិតគ្មានអ្នកទិញកាត់រំលោះ
ដូចក្រមុំចាស់មានកិត្តិយសរូបល្អថ្កើងឈ្មោះនៅតែថ្លៃ ។
ឡានថ្មីមួនមាំមិនទំនើបថ្មីពណ៌រលើបមិនកែច្នៃ
ប្រដូចក្រមុំចរិតថ្លៃរក្សាតម្លៃពូជប្រវត្តិ ។
សម្រេចតាមចិត្តអ្នកប្រាថ្នាគន់គាប់ស្នេហាប្រតិព័ទ្ធ
ពេញចិត្តទិញចុះកុំឲ្យព្រាត់មើលកុំឲ្យភ្លាត់បានឡានល្អ ។

កំណាព្យពេញនិយមបន្ទាប់ ៖ ឆ្លងចាកទុក្ខ – កំណាព្យខ្មែរ

អំពី រក្សា

សូមអានអត្ថបទនេះ

ឈឺប្រកាប់ ប្រាប់មិនអស់ - កំណាព្យខ្មែរ

ឈឺប្រកាប់ ប្រាប់មិនអស់ – កំណាព្យខ្មែរ

ឈឺប្រកាប់ ប្រាប់មិនអស់ – កំណាព្យខ្មែរ ៖ បទពាក្យ៩ ៖ បទនេះគេប្រើសម្រាប់បញ្ចេញមនោសញ្ចេតនា ឬការឆ្លើយឆ្លងលែបខាយបែបស្ដីបន្ទោស គំហកគំហឹន។ ជាធម្មតាបទនេះគេក៏អាចប្រើបានគ្រប់បរិយាកាសដូចជាបទពាក្យ៧ និងបទពាក្យ៨ដែរ។ ចង្វាក់ ៖ បទនេះទម្លាក់សម្លេងលើព្យាង្គទី៣ …

Leave a Reply

Your email address will not be published. Required fields are marked *