ប្រាសាទស្នឹង – ប្រាសាទខ្មែរ ៖ នៅក្នុងបរិវេណ វត្តស្នឹង ឃុំស្នឹង ស្រុកបាណន់ ខែត្របាត់ដំបង មានប្រាសាទចំនួន ២ គឺប្រាសាទស្នឹងខាងកើត និងប្រាសាទស្នឹងខាងលិច ដែលប្រហែលជាត្រូវបានកសាងនៅកំឡុងស.វទី ១២ ឬអាចមុននេះ ។ ដែលកំណត់ថា កើត-លិច នេះ គឺកំណត់ទៅតាមទីតាំងនៅខាងកើត និងខាងលិចព្រះវិហារវត្តស្នឹង ។ ប្រាសាទស្នឹងខាងកើត មានប៉ម ៣ សង់ពីឥដ្ឋនៅលើខឿនថ្មបាយក្រៀមមួយ ។ នៅប៉មកណ្ដាលមានផ្ដែរឆ្លាក់រូប ព្រះឥន្ទគង់លើដំរីក្បាលបី (ឯរាវ័ណ) ឯប៉មពីរផ្សេងទៀតមានផ្ដែរដែរ តែពុំឃើញមានចម្លាក់អ្វីនោះទេ ។ នៅមុខប៉ម ជើង-ត្បូង មានស៊ុមទ្វាធ្វើពីថ្មភក់ ប្រហែលជាស៊ុមទ្វានៃយ៉ដែលតភ្ជាប់ពីប៉មទាំង ២ នេះ ក៏ប៉ុន្តែបាក់បែកអស់ហើយគ្រាន់តែនៅសល់ស្លាកស្នាមខ្លះៗ ល្មមឲ្យអាចសម្គាល់បាន ។ នៅខាងមុខប្រាសាទ មានស្រះទឹកធំមួយ សន្ធឹងពីជើងទៅត្បូង ។ នៅទីប្រាសាទនេះ គេធ្លាប់រកឃើញទេវរូបភេទប្រុសចំនួន ៣ …
អានបន្ត »ប្រាសាទស្នឹង – ប្រាសាទខ្មែរ
