Tuesday , February 27 2024

កូនអើយកុំក្រ – កំណាព្យខ្មែរ

កូនអើយកុំក្រ – កំណាព្យខ្មែរ ៖ បទកាកគតិ កើតនៅសម័យ អង្គរ ។ ក្នុង១វគ្គមាន៧ឃ្លា ក្នុង១ឃ្លាមាន៤ព្យាង្គ។ ។ ជួនក្នុងវគ្គ ៖ ព្យាង្គ៤ឃ្លា១វគ្គ១ ចួននឹងព្យាង្គ៤ឃ្លា២វគ្គ១ ព្យាង្គ៤ឃ្លា២វគ្គ១ ចួននឹង ព្យាង្គ៤ឃ្លា៥វគ្គ១ ចួននឹង ព្យាង្គ៤ឃ្លា៦វគ្គ១។ ជួនឆ្លងវគ្គ៖ ព្យាង្គ៤ឃ្លា៧វគ្គ១ ចួននឹង ព្យាង្គ៤ឃ្លា៣វគ្គ២ ។

ចង្វាក់ ៖ បទនេះមានង្វាក់ស្មើ មិនលើក មនិដាក់ តែរន្ថើនៗ មានទំនងដូចជា​ដំណើរក្អែក ហើយទំលាក់សំឡេងលើព្យាង្គទី ២ រៀងរាល់ឃ្លា ។ បរិយាកាស ៖ បទនេះគេប្រើសម្រាប់ពណ៌នា ទីកន្លែង តួអង្គ ធម្មជាតិ ​​ ពិសេសគេយក​បទនេះទៅប្រើក្នុងពិធីផ្តើមរឿង។ ពេលខ្លះ​កវី​បាន​យក​បទ​នេះ​ទៅ​ប្រើ​ក្នុង​ការ​សំដែង​ទុក្ខ​សោក​ផង​ដែរ​។ ​

កូនអើយកុំក្រ – កំណាព្យខ្មែរ

កូនអើយកុំក្រ – កំណាព្យខ្មែរ

ក្រឫកពាល្អក្រកាយបវរក្រគាប់ទន់ភ្លន់
ក្រឱនជិតស្និទ្ធក្រចិត្តដឹងគុណក្រស្រាលយល់ធ្ងន់
កើតកាយឆ្គាំឆ្គង ។
ក្រពាក្យសម្តីក្រកិច្ចគិតខ្លីស្តីខុសទំនង
ដៀលជេរផ្តាសាឡូឡារំពងឫកពាជួជង
ឱ្យញាតិឈឺចាប់ ។
ក្រចិត្តស្មោះសរក្តួលក្តៅបន្តឆាបឆេះអួអាប់
លោភលន់បង្កយល់ល្អចំណាប់ល្ងិតល្ងង់កាន់កាប់
ក្នុងនគរកាយ ។
ក្រកិច្ចក្រកលក្រដឹងដិតដល់ក្រនាំអន្តរាយ
ក្រវៃច្នៃទាស់ក្រវាស់វែងឆ្ងាយស្តាប់ឪពុកម្តាយ
កូនអើយកុំក្រ ។

កំណាព្យពេញនិយមបន្ទាប់ ៖ បណ្តាំពុកម៉ែ – កំណាព្យខ្មែរ

អំពី រក្សា

សូមអានអត្ថបទនេះ

ឈឺប្រកាប់ ប្រាប់មិនអស់ - កំណាព្យខ្មែរ

ឈឺប្រកាប់ ប្រាប់មិនអស់ – កំណាព្យខ្មែរ

ឈឺប្រកាប់ ប្រាប់មិនអស់ – កំណាព្យខ្មែរ ៖ បទពាក្យ៩ ៖ បទនេះគេប្រើសម្រាប់បញ្ចេញមនោសញ្ចេតនា ឬការឆ្លើយឆ្លងលែបខាយបែបស្ដីបន្ទោស គំហកគំហឹន។ ជាធម្មតាបទនេះគេក៏អាចប្រើបានគ្រប់បរិយាកាសដូចជាបទពាក្យ៧ និងបទពាក្យ៨ដែរ។ ចង្វាក់ ៖ បទនេះទម្លាក់សម្លេងលើព្យាង្គទី៣ …

Leave a Reply

Your email address will not be published. Required fields are marked *