Thursday , July 18 2024

កតញូ – កំណាព្យខ្មែរ

កតញូ – កំណាព្យខ្មែរ ៖ បទពាក្យ៧ ឬ បទមេ៧ ។ ចាប់ពីបទពាក្យ៧ ដល់បទពាក្យ១១ (កើតក្នុងសម័យចតុមុខ) កំណាព្យខ្មែរបានឈានដល់ដំណាក់កាលមួយថ្មីទៀត កវីបានបង្កើតក្បួនតែងកាព្យងាយៗ (ចំណាប់ចួន និងបរិយាកាស)។ បទនេះអាចប្រើបានគ្រប់បរិយាកាសទាំងអស់។

រង្វាស់កាព្យ (កាព្យមាត្រ) ៖ ១វគ្គ (ល្បះ) មាន៤ឃ្លា ឃ្លានីមួយៗ មាន៧ព្យាង្គ។ ព្យាង្គទី៧នៃឃ្លាទី១ ចួននឹង ព្យាង្គទី២ ឬទី៤ នៃឃ្លាទី២។ ព្យាង្គទី៧ នៃឃ្លាទី២ ចួននឹងព្យាង្គទី៧ នៃឃ្លាទី៣ ចួននឹងព្យាង្គទី២ ឬទី៤ នៃឃ្លាទី៤។ (ចួននឹងព្យាង្គទី២ឬទី៤នៃឃ្លាទី៤ បើចួនព្យាង្គណាត្រូវគោរពពីដើមរហូតដល់ចប់)។ ចួនឆ្លងវគ្គ (រូបសម្ផស្សក្រៅ) ៖ ព្យាង្គទី៧ នៃឃ្លាទី៤ ក្នុងវគ្គទី១ (វគ្គមុន) ចួននឹង ព្យាង្កទី៧ នៃឃ្លាទី២ ក្នុងវគ្គទី២ (វគ្គបន្ទាប់)។

កតញូ – កំណាព្យខ្មែរ

កតញ្ញូ – កំណាព្យខ្មែរ

មនុស្សល្អបវរដឹងគុណគាប់ត្រាប់ធម៌ទម្លាប់កតញ្ញូ
រក្សាប្រយោជន៍ជាគំរូព្យាយាមតស៊ូប្រណិប័តន៍ ។
ចូលរួមកសាងផលបន្តរួមរាប់តំណមិនឱ្យខ្ចាត់
កំហុសខូចខាតប្រឹងទប់ស្កាត់សន្តោសសព្វសត្វក្លាយមុនី ។
សូម្បីតែហ្វូងភូមរា(១)ថែក្លិនបុប្ផាគ្រប់ទិសទី
ក្រេបតែកេសរលៀងជីវីរសក្លិនមូលមីរមិនខូចខាត ។
កូនកតញ្ញូដឹងគុណគាប់ជាកូនសំណព្វសុខក្សេមក្សាន្ត
កតវេទីតបថ្កើងថ្កានជូនពុកម៉ែបានមានមង្គល ។

កំណាព្យពេញនិយមបន្ទាប់ ៖ កូនអើយស្តាប់ពុក – កំណាព្យខ្មែរ

អំពី រក្សា

សូមអានអត្ថបទនេះ

ឈឺប្រកាប់ ប្រាប់មិនអស់ - កំណាព្យខ្មែរ

ឈឺប្រកាប់ ប្រាប់មិនអស់ – កំណាព្យខ្មែរ

ឈឺប្រកាប់ ប្រាប់មិនអស់ – កំណាព្យខ្មែរ ៖ បទពាក្យ៩ ៖ បទនេះគេប្រើសម្រាប់បញ្ចេញមនោសញ្ចេតនា ឬការឆ្លើយឆ្លងលែបខាយបែបស្ដីបន្ទោស គំហកគំហឹន។ ជាធម្មតាបទនេះគេក៏អាចប្រើបានគ្រប់បរិយាកាសដូចជាបទពាក្យ៧ និងបទពាក្យ៨ដែរ។ ចង្វាក់ ៖ បទនេះទម្លាក់សម្លេងលើព្យាង្គទី៣ …

Leave a Reply

Your email address will not be published. Required fields are marked *